 लेनदेन व्यवहारको १० नं. ले व्यवस्था गरेका कुराको सम्बन्धमा सोही ऐनमा लेखिएको हदम्याद नै लागू हुने । (प्रकरण नं. १४)

 पुनः मत गिन्ती नगरेको कारणबाट निर्वाचन विशेष अदालतको फैसला त्रुटिपूर्ण छ भन्न मिलेन । (प्रकरण नं. १०)

 मार्ने मनसाय र नियत नभए पनि चुप्पी जस्तो धारिलो जोखिम हतियार झिकी चलाउँदा भिडमा कसैलाई लागी मर्न सक्छ भन्ने जानी जानी होस नपुराई हेलचेक्राई गरी भीड भएको वारदात स्थलमा चुप्पी फन्काई घुमाउँदा लाग्न गई सो चुप्पीको चोटबाट मृत्यु भएको भन्ने देखिँदा ज्यानसम्बन्धीको १३(१) नं. को अपराध गरेको भन्न मिलेन । (प्रकरण नं. ३४)

 दपोट गरेको ठहरेमा दपोट गरेको भनेको सम्पत्ति जे जस्तो अवस्थामा छ त्यो नै दपोट नगर्ने पक्षले पाउने हो । (प्रकरण नं. २१)

 पर्वते राजा मलाई कायम गरिपाउँ भन्ने प्रमाणको अभावमा दावी पुग्न सक्ने देखिएन । (प्रकरण नं. १२)