राजश्व न्यायाधीकरणका माननीय अध्यक्ष तथा सदस्यज्यूहरुसँगको भेटघाट कार्यक्रम!

सम्माननीय प्रधान न्यायाधीशज्यूसमक्ष राजश्व न्यायाधीकरण, काठमाडौँ मुकाम पुल्चोकका माननीय अध्यक्षज्यू, सदस्यज्यूहरु तथा स्रेस्तेदारज्यूले भेट गरी बधाई तथा शुभकामना व्यक्त गर्नुभयो। भेटका क्रममा राजश्व न्यायाधीकरण, काठमाडौँका तर्फबाट न्यायाधीकरणको प्रगति र प्रमुख समस्याहरु समेत प्रस्तुत गर्नुभएकोमा सम्माननीय प्रधान न्यायाधीशज्यूले हालसम्मको उपलब्धिप्रति धन्यवाद दिँदै न्यायिक जनआस्था अभिवृद्धि हुने गरी कार्यसम्पादन गर्नसमेतका निर्देशन दिनुभयो।