काठमाडौँ जिल्ला अदालत बार एशोसियसनद्वारा शिष्टाचार भेट

आज सम्माननीय प्रधान न्यायाधीश डा. श्री मनोजकुमार शर्माज्यूसँग काठमाडौं जिल्ला अदालत बार एशोसिएसनका पदाधिकारीहरूले शिष्टाचार भेट गरी नवनियुक्त प्रधान न्यायाधीशज्यूलाई बधाई तथा सफल एवं उत्कृष्ट कार्यकालको शुभकामना व्यक्त गर्नुभयो। भेटका क्रममा बार एशोसिएसनका पदाधिकारीहरूले काठमाडौं जिल्ला अदालतको भवन साँघुरो भएकाले अदालतबाट सम्पादित सेवाप्रवाहलाई थप प्रभावकारी, सहज तथा व्यवस्थित बनाउन उपयुक्त वैकल्पिक स्थानको व्यवस्था गर्न आवश्यक रहेको विषयमा ध्यानाकर्षण गराउनुभयो। सो अवसरमा सम्माननीय प्रधान न्यायाधीशज्यूले शिष्टाचार भेटका लागि बार एशोसियसनप्रति आभार प्रकट गर्दै काठमाडौं जिल्ला अदालतबाट हुने सेवाप्रवाहलाई थप सेवाग्राहीमैत्री बनाउन तथा न्याय सम्पादनको गतिलाई अझ प्रभावकारी र तीव्र बनाउन आवश्यक विषयमा सबै सरोकारवालासँग परामर्श एवं छलफल गरिने बताउनुभयो। साथै, उपलब्ध स्रोत, साधन तथा कानूनी व्यवस्थाको परिधिभित्र रही सम्भव भएसम्मका सबै विकल्पहरू खुला राखेर आवश्यक निर्णय प्रक्रियालाई अगाडि बढाइने धारणा व्यक्त गर्नुभयो।