विशेष अदालतका नव नियुक्त अध्यक्षद्वारा सपथ ग्रहण

विशेष अदालतको अध्यक्ष पदमा नियुक्त हुनु भएका माननीय न्यायाधीश श्री बासुदेव आचार्यज्यूले आज सर्वोच्च अदालतमा आयोजित एक समारोहबीच पद तथा गोपनीयताको शपथ ग्रहण गर्नु भएको छ। न्याय परिषद्को मिति २०८३/०३/१२ को सिफारिस तथा नेपाल सरकार, मन्त्रिपरिषद्को मिति २०८३/०४/०६ को निर्णयअनुसार विशेष अदालत ऐन, २०५९ को दफा ३ बमोजिम उहाँलाई विशेष अदालतको अध्यक्ष पदमा नियुक्त गरिएको हो। विशेष अदालत ऐन, २०५९ को दफा १३ बमोजिम माननीय न्यायाधीशज्यूले नेपालका प्रधान न्यायाधीश सम्माननीय डा. श्री मनोजकुमार शर्माज्यू समक्ष पद तथा गोपनीयताको शपथ ग्रहण गर्नु भयो। उक्त कार्यक्रममा सर्वोच्च अदालतका वरिष्ठतम् न्यायाधीशज्यू, माननीय न्यायाधीशज्यूहरू, न्याय परिषद्का सदस्यज्यूहरू, न्यायिक तथा प्रशासनिक क्षेत्रका उच्च पदस्थ अधिकारीहरू तथा कर्मचारीहरूको उपस्थिति रहेको थियो। शपथ ग्रहण कार्यक्रमका अवसरमा नव नियुक्त माननीय अध्यक्षज्यूलाई सम्माननीय प्रधान न्यायाधीशज्यू लगायत उपस्थित महानुभावहरुले हार्दिक बधाई तथा सफल कार्यकालको शुभकामना व्यक्त गर्नुभएको थियो।