श्रम अदालतका अध्यक्षद्वारा सपथ ग्रहण

श्रम अदालतको अध्यक्ष पदमा तोकिनुभएका उच्च अदालत, सुर्खेतका माननीय न्यायाधीश श्री दीपेन्द्र अधिकारीज्यूले आज सर्वोच्च अदालतमा आयोजित एक समारोहबीच पद तथा गोपनीयताको शपथ ग्रहण गर्नु भएको छ। न्याय परिषद्को मिति २०८३/०३/३२ को सिफारिस तथा नेपाल सरकार, मन्त्रिपरिषद्को मिति २०८३/०४/०६ को निर्णयअनुसार श्रम ऐन, 2074 को दफा 151 तथा श्रम अदालत नियमावली, २०८० को परिच्छेद १० को नियम ६०(१) बमोजिम माननीय न्यायाधीशज्यूले नेपालका प्रधान न्यायाधीश डा. श्री मनोजकुमार शर्माज्यू समक्ष पद तथा गोपनीयताको शपथ ग्रहण गर्नुभएको हो। उक्त कार्यक्रममा सर्वोच्च अदालतका वरिष्ठतम् न्यायाधीशज्यू, माननीय न्यायाधीशज्यूहरू, श्रम अदालतका सदस्यज्यूहरु,  न्यायिक तथा प्रशासनिक क्षेत्रका उच्च पदस्थ अधिकारीहरू तथा कर्मचारीहरूको उपस्थिति रहेको थियो। शपथ ग्रहण कार्यक्रमका अवसरमा माननीय अध्यक्षज्यूलाई सम्माननीय प्रधान न्यायाधीशज्यू लगायत उपस्थित महानुभावहरुले बधाई तथा सफल कार्यकालको शुभकामना व्यक्त गर्नुभएको थियो।