निर्णय नं. ५६८ - बिर्ता जगा फिर्ता पाऊ

साल: २०११ महिना: भाद्र फैसला मिति :2011/05/30 ९८

मुद्दा बिर्ता जगा फिर्ता पाऊ

इजलास

श्रीमाननीय प्रधान न्यायाधिस हरिप्रसाद प्रधान एम.ए. बि.एल.

आदेस

यस्मा साधक तहबाट पेस हुन आयको यो मुद्दा बुझदा राणा सर्कारका टायेंमा विर्ताबार खडानन्दले हामी रैतीको खरीदी र पुस्तानीसमेत लंबरी जगा बिगाहा ५ बीना मोल्मा लीय हाम्रो जगा हाम्रो नाममै थामी पाऊ भंनेस्मेत संतोषीस्मेतको बिन्तीपत्र र बयान र घर बासका लागी जगा बिगहा ५ अैंले झीकन पाउने गरी ९२ सालमा सनद भय बमोजिम महतरी मालबाट ज्मीदार पटवारीलाई पुर्जी भै जगा ९३।३।२५ मा छुट्याई दीयको हो भंनेसमेत ब्रहम संकरको बयान भयको र उजुरवाला ५ जनाले फेरी अर्को बिना मोलमा परेको हामीहरुको जगा अघि जस्तै पोत तीरी खान पाउ भंनेसमेत बेहोराको निवेदन पत्र दीयकोमा यस्मा के कसो भयेको रहेछ त्यस गोश्र्वाराबाट बुझी ठहराइ बिर्ता खारेज अडा मार्फत जाहेर गर्नु होला भंने म.स.गो. का नाऊमा खाद्य तथा भूमी ब्यवस्था मन्त्रालयबाट  आदेस भै गयकोमा ९२।१२।१२ का २ छापे सनद बमोजिम ९३ सालमा खडानंदले पाई भोग र चलन गरी आयको बादीलाइ थामी दीन अैं सवालले नहुने घर फुलवारीको नीमीत्त लीय पायकोमा बाली खायको भनी बिन्तीपत्र परेको प्रमाणबाट देखियकोले सो जगा बादीहरुलाइ नै थामी दीन वा विर्तै कायें गर्नसमेत सर्कारको तजबिजबाट ठहरे बमोजिम गर्नेस्मेत ठहराई म.स.गो.बाट ०९।५।३०।१ मा जाहेरी फैसला गरे उपर बादी उजुरवालाहरुको अपिल परी यस प्रधान न्यायालयमा आयकोमा सो अपिलको तारेख छाडी डीसमीस गरायकाले साधकमा दर्ता भयको साधक तहबाट प्रधान न्यायालयबाटै निकासा दीनालाई बिचार गर्दा उजुरवालाहरुको निवेदनपत्रमा खाद्य तथा भूमी व्यवस्था मन्त्रालयबाट आदेस हुदा बिर्ता खारेज अडा मार्फत जाहेर गर्नु भंने आदेस भयेको सोही आदेसको आधारमा म.स.गरेबाट जाहेरी फैसला गरेकाले प्रधान न्यायालयबाटै निकासा दिन नमील्ने हुदा सो खाद्य तथा भूमी ब्यवस्था मन्त्रालयका तोक आदेस बमोजिं गर्न यो मिसीलै बिर्ता खारेज अडामा बुझाउन मिसील विभागमा बुझाइ दिनु।

 

           प्रधान न्यायाधिस   

इती  सम्वत २०११ साल भाद्र ३० गते रोज ४ सुभं