निर्णय नं. १३५२ - कीत्ता सच्याई पाऊ

साल: २०११ महिना: फागुन फैसला मिति :2011/11/25 ८९

मुदा कीत्ता सच्याई पाऊ

 

इजलास

न्यायाधिस भगवती प्रसाद सिं राजपुत वि. एसी. वि. एल.

 

फैसला

येस्मा हामीहरूको अघी अंश वंडा हुदा घर जग्गा जमीं सवै वंडा गरी घरको लगापात वगैचा अवंडा रहेको प्र. पंच कुमारीले भैरव वहादुरलाई घर विक्री गर्दा सो अवंडाको वैघैचा स्मेत कीत्ता भीत्र पारी वीक्री गरेकोले सो कीत्ता सच्याई आधी मेरो हक कायं गरी पाऊ भंने स्मेत वादी ।

ससुराकै पालदेखी चोक वारी वघैचा हामीहरूले येकलौटी चलं गरेको सो चोक वघैचा स्मेत वंडा छुट्याई पाउ भनी संत वाहादुर उपर मैले नालेस गरेको मुद्दामा म्यूनीसीपल्टी वाट छुट्याई दीयेको जगा नामसारी गरी पाउ भनी वादीले संत वाहादुर उपर नालेस गर्दा अवंडा रहेको भंने सवुद कागज प्रमाण दाखेल पेस गर्न नसकेको हुनाले वादीको हक लाग्ने छैन हाम्रै हकको हुदा मेरो भाग वीक्री गरेको हुँ भंनेस्मेत् पंचकुमारीको प्रतेवादी ।

अघी ४२ साल्मा मेरो वावु र वादीको लोग्नेको अंसवंडा हुदा अघाडी मोहडाको घर हामीहरूलाई र पछाडी चोकतर्फाको घर वादीको लोग्नेलाई परेको हाल वादीले दावि गरेको चोक वघैचा मेरो घर अघाडी परेकोले वावुकै पाला देखी हामीले नै भोग चलं गरी आयेको पंच कुमारीको र दाजु संतवाहादुरको अंस मुद्दा परी हामीहरूको ३ वंडा भै म्यूनीसीपलवाट भाग छुट्याई दीयेकोले भाउजू पंच कुमारीको भाग घर र लगापात् चोक वघैचा स्मेत मैले फार्छे गरी ली पर्खालले घेरी धारा चर्वि स्मेत वनाई येकलौटी भोग चलं गरी आयेको छु वादीको हक भया उसै वखत् उजूर गरी हक कायें गराई राखन सक्नु पर्ने नसकेकोले स्मेत वादी झुट्टा हो भंने स्मेत भैरव वाहादुरको प्रर्तेवादी ।

वादीले पेस गरेको ४२ साल्को कागज प्रर्तेवादीलाई सुनाउदा कृर्ते भनी वयां गरेको लेखत् हेर्दा पनी उस वखत को लेखत् हालै खडा गरेजस्तो देखीने र वेहोरावाट को मसी र सहीको मसी नमिलेकोले कृते ठहर्छ झगडा परेको चोक वघैचाको हक्मा प्र. भैरव वाहादुर पंच कुमारी संत वाहादुर स्मेतको अंस मुद्दा परी झगडा परेको चोक वघैचा स्मेत प्रर्तेवादीहरूको ३ वंडा भै खड्ग नीसाना लगायेत सदर भयेको म्यूनीसीपलवाट छुट्याई दीयेकोमा वादीको भाग भंने नदेखीयेको उस वखत् वादीले उजूर नगरेको प्रर्तेवादीलाई पर्खाल घेर्न र धारा चर्वि वनाउन स्मेत दीन नपर्ने दीयेको प्र. को चलंमा रहेकोले वादीले झुट्टा उजूर गरेको ठहर्छ भंने स्मेत रा.का. देवानी दोश्रा फाट्वाट गरेको फैसला ।

मैले स्मेत चलं गरी आयेको छु भंने वादीको अपिल जीकीर ।

वादीले पेस गरेको लीखत् मसी नमीलेकोले कृते गरेको देखीयेको अरू आफनु हक भंने सवुद नआयेकोले र्इन्साफ देवानीको मुनासीव भंनेस्मेत अपिल पैला फाटको फैसला ।

९७ साल्मा प्र. भैरव वाहादुरले म्यूनीसीपल्मा दर्खास्त दीदा पुर्व साजा चोक भंने लेखीयेको नीजहरूको अंस मुद्दा परी वंडा गर्दैमा मेरो हक नजाने हुनाले सवुद वुझी ईन्साफ पाऊ भंने वादीको अपिल जीकीर ।

अपिलाट्को वारेस मुक्ती धोजलाई रोहवरमा राखी पेस हुन आयेको यो मुद्दा अपिल जीकीरस्मेत हेर्दा ९७ सालमा भैरव वाहादुरले म्यूनीसीपलमा दर्खास्त दीदा पुर्व साजा चोक भन्ने लेखीयेको भंने प्रमाणको अपिल जीकीर गरेकोमा यो वादी स्मेतको साजा भन्ने नखुलेको अवंडा भन्ने ४२ साल्मा लेखत् गरी दीयेको भनी वादीले प्रमाण दीयेको सो कागजलाई प्रर्तेवादीहरूले कृते भनी वयां गरेको कागज हेर्दा पनी वेहोरावारको मसी र सहीको मसी नमीलेको ले सो कागज पनी प्रमाण लायेक नदेखीयेको हाल येस अड्डावाट नक्सा सरज्मीं वुझदा झगडा परेको चोक जगा पर्तेवादीको घरतर्फ भै पर्खालले घेरीयेको सो पर्खाल प्रर्तेवादीले लगायेको चलं प्रर्तेवादीकै छ भनी धेरै जसो सरजमींले लेखीदीयेको र म्यूनीसीपलवाट नापजाच गरी अघीनै प्रर्तेवादीहरूलाई ३ वंडा छुट्याई दीयेकोमा स्मेत वादीले उसै वखत उजूर गरी आफ्नु हक कायें गरायेको नदेखीयेको स्मेत् प्रमाणवाट ईन्साफ देवानी र अपिलले ठहरायेको मुनासीव अपिल गरेमा वादी ढुंडीरमण देवी के सुरू डंड मो रु २।५० को दोश्रा अपिल हुदा हा का १० नं ले सैक्रा ५ ले मो रु ।१२।२ डंड हुंछ वारेस हुदा असुल गर्नु भनी तहसील्मा लगत् दी मीसील मीसील वीभागमा वुझाई दीने ।

 

न्यायाधिस

 

फाट्वाला वि. पृथ्वीदास

ईती सं २०११ साल फाल्गुण २५ गते ३ रोज शुभम् ।