निर्णय नं. २५ - लिखत बदर

साल: २००९ महिना: फागुन फैसला मिति :२००९/११/०६ १४१

 

मुद्दा : लिखत बदर

 

श्रीमाननिय न्यायाधीश भैरवराज पन्तोपाध्यायज्यूको इजलास

 

फैसला

एस्मा मेरा बाबुको हकको जगा पोइल गएको आमाले वन्धकि दिने भक्त बहादुर लिने गरेकोले सो लिखत बदर गरि साजयें गरि पाउँ भंने स्मेत वादी, वादीकी आमा ठुलीले भोगवन्धक दीयाकोमा वाली नदियाबाट नालेस परी आखीर वाली विगो पाउने भएपछी विगो फाटले चलन पुर्जि दियाबाट मेरो हक भएको वादीको हक नहुदा वादी दावी झुठ्ठा भंने प्रतिवादी भएकोमा बुझीयाका प्रमाण परिवन्धबाट पोइल नजादै लियाको मोरु १७३।३४ सम्म वादीवाट पाउने अरु थैलि कपालि ठहराइ सुरू अड्डा जाच अदालत फाट तथा देवानी पैला फाटले र सो इन्साफ सदर गरी अपिल दोश्राफाटबाट फैस्ला गरे उपर अपिल जिकीर स्मेत हेरी विचार गर्दा वादीकी आमा ठुली गुरुंसेनीको सो जगामा हक दावी नै पुग्न नसकेको देखीएकाले स्मेत सुरु अड्डाहरूले गरेको इन्‌साफ सदर गरी अपिल दोश्रा फाटवाट छिनेको मुनासिव छ । दोश्रो अपिल गरेमा सजाये गर्नालाइ कोर्ट फी अपिल हुदा केही गर्न नपर्ने हुनाले प्रमाण स्हीतको मिसील मिसील फाटमा बुझाइ दिनु ।

न्यायाधीश

इति सम्वत् २००९ साल फागुं ६ गते रोज ३ शुभम ।